10.09c
Երեվան
չրք, փտր 25
«Նորմալ ընտանիք է, ինչ-որ անախորժութիւններ չեն եղել, որ ասեմ՝ դա էր նման քայլի գնալու պատճառը։ Հոգեկան առողջութեան հետ կապուած խնդիրներ էլ չունէր։ Զարմանալի բան եղաւ։ Վարկածն այն է, որ ինչ-որ առողջական խնդիրներ ունէր, չէր ուզում բուժումը շարունակել, ընտանիքին անհանգստութիւն պատճառէր, ու այդպէս գնաց նման քայլի»,- պատմած է Դանիէլեանը։
Ան ըսած է, որ 41-ամեայ կինն ամուսնացած էր, ունէր երկու անչափահաս տղայ։
Արցախի գլխաւոր դատախազութենէն ալ յայտնած են, որ Արցախի ոստիկանութեան Մարտունի շրջանի բաժին 20 մարտին հաղորդում ներկայացուած է այն մասին, որ նոյն քաղաքի Մայիսի 9-ը փողոցի թիւ 1 հասցէի առանձնատան բակին մէջ յայտնաբերուած է նշուած տան բնակչուհիի Գ.Ղ.-ի դիակը` այրած վիճակի մէջ: Հաղորդման հիման վրայ կատարուած նախնական ստուգմամբ՝ Գ.Ղ-ի տան մէջ յայտնաբերուած է ենթադրաբար տուժողի կողմէ թողուած գրութիւնը, իսկ ամուսինի կողմէ յայտնուած էր տան մէջ պահուող` պենզինի պարունակութեամբ շիշի բացակայութեան մասին։
Դէպքի առթիւ տարածքային քննչական վարչութեան մօտ յարուցուած է քրէական գործ:
Նշանակուած են փորձաքննութիւններ, կը կատարուի նախաքննութիւն:
