-4.91c
Երեվան
երկ, դկտ 29
Կրակած են Մարսէյլի «Սուրբ Սահակ եւ Սուրբ Մեսրոպ» մշակոյթի կեդրոնի վրայ:
Դէպքը տեղի ունեցած է 24 յունուարին՝ ժամը 18:40-ին:
«Սա հայկական ամենախորհրդանշական կեդրոններէն մէկն է: Սրահին մէջ շաբաթական կը սորվին աւելի քան 250 երեխայ: Անհանգստութիւնս անսահման է: Վստահ եմ՝ կառավարութիւնը կ'երաշխաւորէ հետագայ անվտանգ գործունէութիւնն ապահովելու համար: Մենք անկոտրում ենք», -ըսած է «Աբովեան» վարժարանի նախագահ Կարէն Խուրշուտեանը:
Տեղի ունեցածէն ետք ոստիկանութիւնը այցելած եւ ուսումնասիրած է դէպքի վայրը: Հրազէնը կոտրած է երկրորդ յարկի պատուհանը, ուր դաշնամուրի դաս կ'իրականացուէր: Տուժածներ չկան:
Դէպքի առնչութեամբ Մշակոյթի կեդրոնի նախագահը բողոք ներկայացուցած է ոստիկանութիւն:
Մշակոյթի կեդրոնը Հայկական կազմակերպութիւններու համակարգման կեդրոնակայանն է: Արցախեան պատերազմի ժամանակ այն կը համակարգէր Մարսէյլէն եւ երկրի հարաւէն դէպի Հայաստան ուղարկուող մարդասիրական օգնութիւնը:
Մինչեւ այս նմանօրինակ դէպքեր տեղի ունեցած են Պերլինի, Սան Ֆրանսիսքոյի, Փարիզի եւ Տեսինի մէջ, երբ վանտալիզմի ենթարկուած էր Կոմիտասի արձանը եւ Ցեղասպանութեան յուշահամալիրը: Այս գործողութիւններուն մէջ ներգրաւուած էր «Գորշ գայլեր» թուրք ծայրայեղ ազգայնական խմբաւորումը, որ լուծարուած է Ֆրանսայի մէջ:
