29.09c
Երեվան
երք, հլս 08
Հիւսիսային Իրաքի սահմանամերձ Պաթուֆա շրջանի Զահօ քաղաքին մէջ գտնուող թրքական «Batuka» անուանումը կրող ջոկատին վրայ յարձակում իրականացուած է: Ըստ թրքական «Haberler» լրատուական կայքին, մասնաւորապէս թիրախաւորուած են թրքական զօրաջոկատին պատկանող երկու ռազմական մեքենաներ: Յարձակման հետեւանքով վիրաւորուած է մէկ թուրք ենթասպայ եւ մէկ ռազմական թարգմանիչ: Վերջիններս տեղափոխուած են Թուրքիա՝ բժշկական օգնութիւն ստանալու նպատակով:
Նշուած է, որ յարձակումն իրականացնողները թրքական երկու ռազմական մեքենաներուն անցած պահուն հեռակառավարուող համակարգի միջոցով ճաբուն վրայ ռումբ պայթեցուցած են:
Աղբիւրը կը պնդէ, որ իրաքցի պաշտօնեաներու յայտարարութիւններուն համաձայն, յարձակումը իրականացուած է Քիւրտիստանի Բանուորական կուսակցութեան (PKK) կողմէ:
Նշուած է, որ 1990 թուականին Իրաքի եւ Թուրքիոյ միջեւ կնքուած պայմանագիրին համաձայն, սահմանային անվտանգութիւնը վերահսկելու նպատակով, Թուրքիոյ ստորաբաժանումները տեղեկայուած են իրաքեան որոշ սահմանային անցակէտերու վրայ: Պայմանագիրը կը գործէ մինչեւ օրս:
