22.09c
Երեվան
չրք, հլս 09
Մոնթէվիտէոյի մէջ տեղի կ՚ունեանայ հայկական տարազներու ցուցահանդէս, որ պիտի շարունակուի մինչեւ Օգոստոս 26:
Այս մասին «Արեւելք» տեղեկացաւ «Նոր Յառաջ» պարբերականէն։
Ստորեւ այդ մասին հրապարակուած լուրը՝
Յունիս 25-ին, Մոնթէվիտէոյի Նախագոլոմպոսեան ժամանակաշրջանի (1492-էն առաջ) եւ բնիկներու արուեստի թանգարանին մէջ տեղի ունեցած է Հայաստանի դեսպանութեան նախաձեռնութեամբ եւ «Տէրեան» մշակութային կեդրոնի գործակցութեամբ կեանքի կոչուած հայկական տարազներու ցուցահանդէսին բացման արարողութիւնը։
Հայաստանի դեսպան Մարիամ Գէորգեան իր ելոյթին անդրադարձած է տարազի պատմութեան, անոր տարբեր տարրերու նշանակութեան եւ մեր օրերուն տարազի կիրարկման առանձնայատկութիւններուն:
Իր կարգին, թանգարանի տնօրէն Ֆագունտօ տէ Ալմեիտա նշած է, թէ հայկական ազգային հագուստներուն ցուցահանդէսը կարելիութիւն կ՚ընձեռէ աւելին իմանալու Հայաստանի մասին։ Ան շեշտած է, թէ Ուրուկուայ միշտ սերտ կապեր ունեցած է Հայաստանի եւ տեղւոյն հայ համայնքին հետ:
Հանդիսութեան ներկայ եղած են դեսպաններ, Արտաքին յարաբերութիւններու նախարարութեան բարձրաստիճան պաշտօնատարներ, խորհրդարանականներ, քաղաքական, հասարակական, մշակութային գործիչներ, հայ համայնքի ներկայացուցիչներ:
Ցուցահանդէսը կը շարունակուի մինչեւ Օգոստոս 26:
