10.09c
Երեվան
հնգ, նմբ 07
Հայազգի լեռնարշաւորդ Առնօ Տէր–Սահակովը յաջող վերելք իրականացուցած է Նեփալի Մանասլու լեռան գագաթ (8 163 մեթր), այդպիսով դառնալով առաջին հայը, որ բարձրացած է «ութհազարանոց» գագաթներէն երեքը։
Այս մասին «Արեւելք» տեղեկացաւ «Նոր Մարմարա» պարբերականէն, որ մասնաւորապէս գրած է՝
Նկարին մէջ Առնօ Տէր Սահակով անունով հայն է որ 26 Սեպտեմբերին յաջող մագլցումով մը հասաւ Նեփալի Մանասլու լերան գագաթը (8163 մեթր)։ Այս լեռը աշխարհի ամենաբարձր լեռներէն մէկն է եւ մաս կը կազմէ Հիմալայներու լեռնաշղթային։
Այս մագլցումէն առաջ, Տէր Սահակով 2023ի ամրան մագլցած էր աշխարհի երկրորդ ամենաբարձր գագաթը՝ Քա-2ը (8611 մեթր), իսկ 2019ին կանգնած էր աշխարհի ամենաբարձր լերան՝ Էվերեսթի գագաթին (8848 մեթր)։
Այսպէս, Առնօ Տէր Սահակով առաջին հայն է որ յաջողած է մագլցիլ «ութհազարնոց» գագաթներէն երեքը։
