27.09c
Երեվան
կրկ, հլս 06
Գերմանիոյ «Ձախեր» կուսակցութեան անդամ եւ Համպուրկի խորհրդարանի պատգամաւոր Մարթին Տոլցըրը 19 մայիսին, Երեւանի մէջ կայացած մամլոյ ասուլիսի ժամանակ նշած է, որ այսօր Թուրքիոյ կառավարութիւնը տարածաշրջանին մէջ ապակառուցողական քաղաքականութիւն կը վարէ: Պատգամաւորը նաեւ յայտնած է, որ Թուրքիան ներգրաւուած եղած է Ղարաբաղի մէջ վերջին ապրիլեան ռազմական գործողութիւններուն: «Էրտողանը այսօր նէոօսմանիզմի քաղաքականութիւն կը վարէ: Ան Սուրիոյ մէջ «Տահէշ»ի հետ կը համագործակցի, Թուրքիոյ մէջ՝ քիւրտերը կը բանաջնջէ, իսկ հայերու դէմ յարձակողական հռետորաբանութիւն կը վարէ»,-ըսած է Տոլցըր, աւելցնելով, որ Ղարաբաղի ապրիլեան յարձակումէն ետք Թուրքիան Ազրպէյճանի աջակցութիւն յայտնող առաջինը կողմը եղած է: «Ըստ մեր ստացած զեկոյցներուն` Ղարաբաղի դէմ ռազմական գործողութիւններուն ներգրաւուած եղած են նաեւ թուրք զինուորներ»,- ըսած է պատգամաւորը:
Տոլցեր նաեւ յիշեցուցած է, որ Թուրքիոյ եւ Ազրպէյճանի ռազմական համագործակցութեան հարցը արծարծուած է նաեւ Եւրայանձնաժողովի նիստի ընթացքին:
