22.09c
Երեվան
երք, հլս 08
ՀՀ մշակոյթի նախարարութեան եւ «Կոկակոլա հելլէնիկ բոթլինգ քամփնի Արմենիա»-ի (Coca Cola hellenik bottling company Armenia) միջեւ Սեպտեմբեր 23-ին ստորագրուեցաւ համաձայնագիր մը, ըստ որուն` Coca Cola-ի շիշերուն վրայ պիտի պատկերուին հայկական պատմամշակութային բարձր արժէք ներկայացնող յուշարձաններ: Համաձայնագիրը ստորագրուեցաւ ՀՀ մշակոյթի նախարարութեան մէջ:
«Այս թողարկումը կը լինի Coca Cola-ի`Հայաստանում 20-ամեայ գործունէութեան կապակցութեամբ: Նման քայլով հանրահռչակուելու է մեր պատմամշակութային ժառանգութիւնը»,- «Արմենփրես»-ի փոխանցմամբ` նշած է ՀՀ մշակոյթի նախարարի տեղակալ Ներսէս Տէր Վարդանեանը:
Համագործակցութեան ծիրէն ներս տուեալ արտադրանքի վաճառքէն ստացուած գումարի որոշ մասը Coca Cola-ն պիտի տրամադրէ պատմամշակութային կոթողներու պահպանման ու վերականգման ուղղուած ծրագիրներու իրականացման:
«Մենք արդէն քսան տարի հայկական շուկայի մէջ ենք եւ մեզի հայ պատմութեան մաս կը համարենք: Ծրագիրը մեր կազմակերպութիւնը կը կապէ դարաւոր պատմութիւն եւ մշակոյթ ունեցող երկրի մը հետ: Անիկա կրնայ օգնել մեր գործունէութեան եւ նպաստել Հայաստանի մէջ զբօսաշրջութեան զարգացման»,- ընդգծած է «Կոկակոլա հելլէնիկ բոթլինգ քամփնի Արմէնիա»-ի գլխաւոր տնօրէն Սայորա Այուպովան:
Պայմանագրի ժամկէտը կախուած է արտադրանքի վաճառքէն եւ պահանջարկէն: Coca Cola-ն նման համաշխարհային նախագիծեր շատոնց է կ՛իրականացնէ` համագործակցելով տարբեր երկիրներու նախարարութիւններու հետ:
