Բոլոր միջոցներով կանգնեցնել Ատրպէյճանի ղեկավարութեան գործողութիւնները. Փալոնի կոչը՝ ԱՄՆ-ին

Բոլոր միջոցներով կանգնեցնել Ատրպէյճանի ղեկավարութեան գործողութիւնները. Փալոնի կոչը՝ ԱՄՆ-ին

ԱՄՆ Քոնկրէսի Հայաստանի գործերով կոմիտէի համանախագահ Ֆրենք Փալոն կոչ ըրած է ԱՄՆ-ին հնարաւոր բոլոր միջոցներով կանգնեցնելու Ատրպէյճանի ղեկավարութեան՝ Արցախի ժողովուրդի դէմ ուղղուած գործողութիւնները։ Այս մասին Ֆրենք Փալոն գրած է Թուիթըրի իր էջին։

«Սա Արցախի ժողովուրդին Ալիեւի սպառնալիքներու վերջին օրինակն է՝ Լաչինի միջանցքը փակելու անհեթեթ պահանջով։ Ես կոչ կ'ընեմ ԱՄՆ պետական բաժանմունքին եւ ԵԱՀԿ-ի մէջ ԱՄՆ մշտական ներկայացուցչութեան դատապարտելու այդ գործողութիւնները եւ օգտագործելու որեւէ հասանելի դիւանագիտական գործիք՝ կանգնեցնելու համար Ալիեւի վտանգաւոր գործողութիւնները»,- նշուած է Ֆրենք Փալոնի գրառման մէջ։