12.09c
Երեվան
հնգ, մրտ 26
«Ապրիլեան պատերազմի ընթացքում Ատրպէյճանի կողմից իրականացուեցին բազմաթիւ պատերազմական եւ մարդկութեան դէմ ուղղուած յանցագործութիւններ, մասնաւորապէս՝ արձանագրուեցին հայ ռազմագերիների եւ խաղաղ բնակչութեան դաժան սպանութիւնների, խոշտանգումների եւ անմարդկային վերաբերմունքի բազում դէպքեր:
Միջազգային հանրութեան կողմից Ատրպէյճանի ռազմական յանցագործութիւնների չդատապարտուած լինելու հանգամանքը յաջորդ տարիների ընթացքում էլ աւելի սաստկացրեց այդ երկրի ռազմատենչ նկրտումները, ինչի կիզակէտը դարձաւ 2020 թ. սեպտեմբերի 27-ին Արցախի դէմ նոր լայնածաւալ պատերազմի սանձազերծումը՝ Թուրքիայի աջակցութեամբ եւ միջազգային ահաբեկիչների ներգրաւմամբ:
Միջազգային հանրութիւնը պէտք է վճռական գնահատական տայ ցայսօր շարունակուող Ատրպէյճանի ակրեսիվ (յարձակողական) քաղաքականութեանը, միջազգային իրաւունքի հանդէպ ծայրայեղ անարգանքին եւ ատրպէյճանա-ղարաբաղեան հակամարտութեան կարգաւորմանն ուղղուած բանակցութիւններից հրաժարուելու փորձերին:
Ապրիլեան պատերազմի ժամանակ հայ ժողովրդի ցուցաբերած միասնականութիւնն ու մեր հերոսների սխրանքները յաւերժ կը մնան մեր պատմութեան եւ սերունդների յիշողութեան մէջ»,-ըսուած է հաղորդագրութեան մէջ:
