1.09c
Երեվան
չրք, նմբ 13
Օրգանների եւ հյուսվածքների փոխպատվաստման թեմայով խորհրդարանական լսումների ընթացքում Առողջապահության, մայրության եւ մանկության հարցերի հանձնաժողովի նախագահ Արա Բաբլոյանն ասել է, որ Հայաստանում օրենք է մշակվել «Մարդուն օրգաններ եւ (կամ) հյուսվածքներ փոխպատվաստելու մասին», որը հստակորեն սահմանում է դիակային դոնորական օրգաններ օգտագործելու հնարավորությունը, սակայն փոխպատվաստվող օրգանների օգտագործումը դանդաղում է ազգային առանձնահատկությունների պատճառով։
«Ափսոս է, որ մենք օրգանները տալիս ենք հողին, ոչ թե մարդկանց, որոնք դրա կարիքն ունեն», -ասել է հանձնաժողովի նախագահը:
Ըստ նշված օրենքի, Հայաստանի յուրաքանչյուր քաղաքացի իրավունք ունի հրաժարվել դոնորությունից, բայց եթե գրավոր չի հրաժարվել, ապա պոտենցիալ դոնոր է հանդիսանում։ Հաշվի առնելով ազգային մենթալիտետի առանձնահատկությունները՝ օրենքում դրույթ է մտցվել ընտանիքի անդամների պարտադիր համաձայնության մասին։ Օրենքի համաձայն, ուղեղային մահը բժիշկների մի խումբ է արձանագրում, իսկ օրգանը հանում է մեկ ուրիշ խումբ, որպեսզի ընտանիքի անդամների մոտ ոչ մի կասկած ի հայտ չգա։
«Ցավոք սրտի, այդ ամենը օրենքով կարգավորված է, սակայն մեզ մոտ դեռեւս առաջընթաց չի արձանագրվել եւ չկա դիակային օրգանի օգտագործման ոչ մի դեպք», - ասել է նա։
մանրամասները` med.news.am-ում
