12.09c
Երեվան
հնգ, հկտ 22
Թրքական աղբիւրներ եւ սուրիացի ընդդիմադիրներ յայտնած են, որ թրքական զօրքերը եւ անոր դաշնակից սուրիական «Ազատ բանակ»ի խմբաւորումները երէկ իրենց հսկողութեան տակ առած են Հալէպի հիւսիսային արուարձանին մէջ գտնուող Թէլ-Ռըֆհաթը:
Այս մասին հաղորդող «Lebanon 24»ը նաեւ կը յայտնէ, որ ըստ թրքական ռազմական աղբիւրին՝ «Ձիթենիի ճիւղ»ի ուժերը իրենց ամբողջական վերահսկողութեան տակ առած են նաեւ «Մեկ» օդակայանը, որ կը գտնուի Թէլ-Ռըֆհաթի մօտակայքը, մինչ ընկերային ցացներու վրայ աքթիւիսթներ գրառումներ կատարած են՝ Թրքական ուժերու եւ անոր դաշնակիցներու քաղաք մուտք գործելու մասին՝ հոնկէ ռուսական ռազմական ոստիկանութեան միաւորներու քաշուելէն ետք:
Իր հերթին, Աֆրինի մէջ քրտական միաւորներու պաշտօնական մամլոյ քարտուղարը հերքած է «Ձիթենիի ճիւղ»ի ուժերու կողմէ Թէլ-Ռըֆհաթի գրաւումը, այն որակելով տեղեկատուական պատերազմի ծիրէն ներս եղած սուտ յայտարարութիւն:
