13.54c
Երեվան
կրկ, հնս 28
Սուրիոյ Քիւրտ-Դեմոկրատական ուժերու խորհուրդը յայտարարած է, որ ներկայիս կը պատրաստուին Սուրիոյ հիւսիսային շրջաններու բնակիչներէ կազմուած խմբակ մը ստեղծել, նախապատրաստուելով Սուրիոյ կառավարութեան հետ երկխօսութիւն սկսելու:
«Ալ Ժատիտ» լրատուական կայքին փոխանցմամբ, Սուրիոյ Դեմոկրատական ուժերու խորհուրդի անդամ Հիքմաթ Հապիպ Թապքայի մէջ կայացած համագումարի ժամանակ նշած է, որ համագումարի կարեւորագոյն խնդիրներէն մէկը Սուրիոյ կառավարութեան հետ բանակցութիւններ վարող խմբակի ստեղծումն է:
Հապիպ միաժամանակ աւելցուցած է, որ խմբակին մէջ ներառուած պիտի ըլլան Սուրիոյ Դեմոկրատական ուժերու իշխանութեան տակ գտնուող, ինչպէս նաեւ ինքնիշխանութիւն վարող շրջաններու ներկայացուցիչներ: Խմբակին մէջ ներգրաւուած պիտի ըլլան Ռաքքայէն, Տէր Զօրէն եւ Մունպուճէն ներկայացուցիչներ եւս:
