14.09c
Երեվան
հնգ, հկտ 01
Ֆրանսա- («Տէյլի Սապահ»-Պոլիս)- Երկուշաբթի օր Ֆրանսայի հարաւարեւմտեան կողմը գտնուող Պորտո քաղաքին մէջ, PKK համակիրներու խումբ մը բողոքի ցոյց ըրած է թրքական հիւպատոսարանին դէմ: Այս մասին կը գրէ «Տէյլի Սապահ», նշելով, թէ 50 PKK-ամէտ ցուցարարներ պաստառներով հաւաքուած էին հիւպատոսարանի շէնքին առաջ: Ցուցարարներէն մէկը մագլցած է շենքի դիմաց եւ բարձրացուցած է PKK-ի դրօշը: Կը հաղորդուի նաեւ, որ ֆրանսական ոստիկանութիւնը ցրած է ամբոխը՝ ժամը 11:00-ի շուրջ, մտավախութիւն ունենալով, որ բողոքի ցոյցը կրնայ վերածուիլ բռնութիւններու: Աղբիւրը կը նշէ, որ ֆրանսական եւ թրքական իշխանութիւնները կը փորձեն բացայայտել յանցագործներու ինքնութիւնը: Կը նշուի, որ PKK-ան ԵՄ-ի եւ ԱՄՆ-ի կողմէ ճանչցուած է որպէս ահաբեկչական կազմակերպութիւն: Ան վերսկսած է իր գործողութիւններու արշաւը թրքական պետութեան դէմ յուլիս 2015-ին՝ 30-ամեայ հակամարտութեան երկուք ու կէս տարուան դադարէ մը ետք:
