16.43c
Երեվան
շբթ, հնս 27
Ամերիկեան «Bloomberg» լրատուական գործակալութիւնը անդրադարձած է Լիբանանի երեսփոխանական ընտրութիւններուն, նշելով, որ «Հըզպալլա»ի ձեռք բերած յաղթանակը կը փաստէ տարածաշրջանին մէջ Իրանի գերակշիռ ուժի աճը, բան մը, որ Իսրայէլի հետ հակամարտութեան հաւանականութիւնը կը մեծցնէ:
Լրատուական գործակալութեան կարծիքով, վարչապետ Հարիրիի գլխաւորած «Մուսթաքպալ» քաղաքական շարժումը խոշորագոյն պարտութիւնը կրած է ընտրութիւններուն, որովհետեւ իր աթոռներու մէկ երրորդը կորսնցուց, մինչդեռ «Հըզպալլա»ի գլխաւորած դաշինքը 72 աթոռ ձեռք բերաւ:
Աղբիւրը կարծիք յայտնած է, թէ նման իրողութիւն ԱՄՆ-ի, Սէուտական Արաբիոյ եւ Իսրայէլի մօտ Իրանի հզօրացման վտանգին նկատմամբ մտահոգութիւն պիտի առաջացնէ, եւ տարածաշրջանային պատերազմի հաւանականութիւնը մեծցնէ:
Ալ Մաշրէք ռազմավարական ուսումնասիրութիւններու կեդրոնի տնօրէն Սամի Նատէր իր հերթին յայտնած է, թէ յետ այսու Սուրիա «Հըզպալլա»ի միջոցով պիտի ներգրաւուի Լիբանանի ներքին քաղաքականութեան մէջ:
