18.28c
Երեվան
շբթ, հնս 27
Նոր տարուան գիշերը` Դեկտեմբեր 31-ին, պաշտպանութեան նախարարութիւնը աննախադէպ տօնական պատրաստութիւն կը տեսնէ զինուորներուն համար: Նոր Տարուան եւ Սուրբ Ծննդեան Տօներուն առթիւ Հայաստանի Հանրապետութեան պաշտպանութեան նախարարութիւնը տօնական պատրաստութիւններ նախատեսած է զինուած ուժերու սահմանապահ զօրքերուն համար: Այս մասին յայտնած է ՀՀ պաշտպանութեան նախարարութեան բանբեր Արծրուն Յովհաննիսեան: Ան նշած է, որ զինուորներուն համար նաեւ մշակութային ձեռնարկներ պիտի կազմակերպուին: «Բոլոր զօրամասեր այցելելու են պետական, հասարակական, մշակութային ու քաղաքական գործիչներ, գուցէ ոչ բոլորը հէնց 31 Դեկտեմբերին, բայց այդ օրերին կը լինեն համերգներ, միջոցառումներ»,- ըսած է Արծրուն Յովհաննիսեան: ՊՆ մամուլի քարտուղարը նշած է, որ սովորոյթի համաձայն` Ամանորի գիշերը սահման պիտի այցելէ նաեւ Պաշտպանութեան նախարար Սէյրան Օհանեան: «Նախարարը եւս լինելու է զօրամասերից մէկում, չեմ կարող ասել` որ մէկում, նախարարը 30-ին ունենալու է ուղերձ զինուորին ուղղուած»,-եզրափակած է Արծրուն Յովհաննիսեան:
Նիւթի աղբիւր ՝ Tert.am
