25.09c
Երեվան
երկ, հկտ 19
Լիբանանի նախագահ զօր. Միշէլ Աուն ամէն գնով պիտի փորձէ իր հրաժարականը ներկայացուցած վարչապետ Սաատ Հարիրիին զօրակցութեան առիթներ ստեղծել:
Այս մասին լուրը տուած է պէյրութեան «Վի. Տի. Էլ» ռատիօկայանը: Աղբիւրը նաեւ նշած է, որ նախագահ Աուն պիտի փորձէ այսօր տեղի ունենալիք «Պէյրութի մարաթոն»ի մարզական առիթը օգտագործելով իրադարձութիւնը վերածել Հարիրիին զօրակցութեան առիթի մը:
Յիշեցնենք, որ վարչապետ Սաատ Հարիրի շաբաթ մը առաջ իր հրաժարականը Ռիատէն տալով Պէյրութ չէր վերադարձած: Հարիրիի Ռիատ կեցութեան պայաններուն մասին հակասական տեղեկութիւններ կը տրուին եւ սակայն տարբեր միջնորդներու Ռիատ ժամանումը ցոյց կու տայ իրավիճակին լրջութիւնը:
Միջնորդներու ծիրէն ներս Ռիատ այցելած էր Ֆրանսայի նախագահ Էմանուէլ Մաքրոն, որուն միջնորդական առաքելութեան արդիւնքներուն մասին տեղեկութիւններ չտրուեցան:
