20.09c
Երեվան
ուրբ, մյս 15
Երէկ լարուած իրավիճակ տիրած է լիբանանեան մէկէ աւելի շրջաններու մէջ։
Ինչպէս «Արեւելք» աւելի վաղ գրած էր բախումներ գրանցուած էին Պէյրութի մերձ եղող Այն ալ Ռըմանէ շրջանին, ինչպէս նաեւ լեռնալիբանանի Պիքֆայա գաւառակին մէջ։
Լարուած իրավիճակ տիրած էր նաեւ Թրիփոլիի մէջ, ուր քաղաքի բնակիչներ փորձած էին յարձակում գործել «Ազգային ազատ հոսանք»ի մէկ կեդրոնատեղիին վրայ։
Ըստ կայանին Թրիփոլիի մէջ եղած բախումները պատճառ դարձած էին տասնեակ քաղաքացիներու վիրաւորման եւ վերջին տուեալներուն համաձայն վիրաւորներուն թիւը անցած էր 30-ը։
Ինչ կը վերաբերի այսօր առաւօտուն տիրող վիճակին, ապա երէկ փակ մնացած բոլոր ճանապարհները վերաբացուած են եւ երկրին մէջ կը տիրէ սպասողական, բայց եւ այնպէս ՝ խաղաղ վիճակ մը։
Քաղաքական պատկերին վերաբերեալ, ապա վերջին ժամերուն եւ յատկապէս Սաատ Հարիրիի կողմէ հրապարակուած յայտարարութենէն ետք, որուն շնորհիւ հրաժարեալ վարչապետը ամէն գնով կը մերժէր պաշտօնը վերստին ստանձնելու բոլոր սենարները շրջանառութեան մէջ կը դրուէին մի քանի անուններ, որոնք կրնան այդ պաշտօնը ստանձնել եւ այդ անուններուն գլխաւորն էր Լիբանանցի գործարար ՝Սամիր Խաթիպին անունը։
Կը սպասուի նաեւ, որ երկրի նախագահ զօր. Միշէլ Աունի աղբիւրներ այսօր հանդէս գան յայտարարութեամբ եւ յայտնեն նոր վարչապետի նշանակման հետ կապուած պարտադիր խորհրդակցութիւններու թուականը։
Յիշեցնենք, որ այսօր իր լրումին կը հասնի Լիբանանի մէջ ընթացք առած բողոքի ալիքին 43-րդ օրը։
