25.34c
Երեվան
հնգ, հլս 23
Կոտայքի մարզի մէջ այս գիշեր կրակոցներ հնչած են։ Ժամը 02:10-ի սահմանին ոստիկանութեան Աբովեանի բաժին ահազանգ ստացուած է Աբովեանի եւ Երեւանի քանի մը հիւանդանոցներէ, որ հրազէնային եւ մարմնական վնասուածքներով իրենց մօտ տեղափոխուած են քանի մը քաղաքացիներ, մէկը` մահացած։
Ըստ կայքի` ճաշարանի բակն ու յարակից տարածքը մարտի դաշտ կը յիշեցնէ:
Գործի դրուած է քանի մը տեսակի զէնքեր, այդ շարքին «Մաքարով» եւ «TT» տեսակի ատրճանակներ, ճաշարանի եւ յարակից տարածքին մէջ յայտնաբերուած են մեծ թիւով կրակուած պարկուճներ, գնդակներ, արնանման հետքեր, երկաթէ լինկ, որուն վրայ առկայ է արեան հետք, եւ արիւնոտ գլխարկ:
Ճաշարանի խուցերէն մէկուն մէջ յայտնաբերուած են խաղաքարտեր, այդ խուցը քննիչի որոշմամբ փակուած է, որպէսզի յատուկ փորձագէտները զննութիւն կատարեն:
Ոստիկաններն ու քննիչները կը պարզեն սպանուածի եւ 8 վիրաւորներու ինքնութիւնը:
Փաստի առթիւ քննչական վարչութեան պետ Մ. Վարդանեանի որոշմամբ ստեղծուած է քննչական խումբ եւ խումբի ղեկավարի որոշմամբ յարուցուած է քրէական գործ։
Կայքի տեղեկութիւններով` վիրաւորներու մէջ են ԱԺ նախկին պատգամաւոր Մ. Մարտիրոսեանի ազգականները:
