22.04c
Երեվան
հնգ, հլս 16
Հռոմի Ֆրանչիսկոս պապը Վատիկանի պարտէզներուն մէջ պիտի օծէ հայ մշակոյթի հերոս, Տիեզերական եկեղեցւոյ վարդապետ, Արեւելքի եւ Արեւմուտքի իսկական կամուրջ եւ տիեզերականութեան խորհրդանիշ Սուրբ Գրիգոր Նարեկացիի պրոնզաձոյլ արձանը:
Ըստ «Արմենպրես»-ի՝ օծման արարողութիւնը տեղի պիտի ունենայ Ապրիլ 5-ին` ժամը 12:00-ին, Հայաստանի Հանրապետութեան նախագահ Սերժ Սարգսեանի, Գարեգին Բ Ամենայն Հայոց Կաթողիկոսի, եւ Արամ Ա Մեծի Տանն Կիլիկիոյ Կաթողիկոսի ներկայութեամբ:
Ստեղծագործութեան հեղինակը քանդակագործ Դաւիթ Երեւանցին է: Պրոնզէ արձանը պատրաստուած է Չեխիոյ Հանրապետութեան ձուլարաններէն մէկուն մէջ` շնորհիւ Սուրբ Աթոռի մէջ Հայաստանի Հանրապետութեան արտակարգ եւ լիազօր դեսպան Միքայէլ Մինասեանի եւ Արթուր Ջանիբեկեանի ֆինանսական աջակցութեան: Արձանի երկու օրինակ ձուլուած է, որոնցմէ մէկը Վատիկանի պարտէզներուն, իսկ միւսը` Էջմիածնի վեհարանին համար: Այսպիսով, արուեստի միջոցով մէկ ուղերձ կը փոխանցուի, որն ի զօրու է սերտացնել յարաբերութիւնները քոյր եկեղեցիներու միջեւ:
Գրիգոր Նարեկացիի պրոնզաձոյլ արձանը Վատիկանին եւ Հռոմի պապ Ֆրանչիսկոսին նուիրելու գաղափարը ծագած է երկու տարի առաջ, Հռոմի Պապի` Հայաստան կատարած այցի ընթացքին, երբ նախագահ Սարգսեան Սուրբ Հօրը նուիրած է Սուրբ Գրիգոր Լուսաւորիչի փոքրիկ պրոնզէ արձանը` յուսալով օր մը ատոր խոշոր տարբերակը տեսնել Վատիկանի պարտէզներուն մէջ:
