10.44c
Երեվան
կրկ, ապր 19
Թուրքիա- Պոլսոյ հայկական «Ակօս» պարբերականի խմբագիր Հրանդ Տինքի սպաննութեան գործը քննող դատավարութիւնը դարձեալ յետաձգուեցաւ: Այս մասին գրած է թրքական անգլիատառ Todays Zaman պարբերականը: Թերթը նաեւ կը նշէ, որ դատավարութեան յաջորդ նիստը պիտի կայանայ յառաջիկայ 22 Դեկտեմբերին: Ըստ աղբիւրին Տինքի սպաննութեան հետ կարեւոր առնչութիւն ունեցող Եասին Հայալըի մօտ յայտնուած են կարեւոր համարուող տեսագրութիւններ եւ այդ տեսագրութիւնները մինչեւ այս պահը չեն ներկայացուցած դատարանին առջեւ: Թերթը նաեւ գրած է, որ սպաննութիւնը կապ ունի Թուրքիոյ այսպէս կոչուած «խորքային պետութեան» հետ: Նշենք, որ երէկ տեղի ունեցած դատական նիստի բ ընթացքին «Հրանդ Տինքի Ընկերներ» խմբաւորումը դատարանին առջեւ բողոքի ցոյց կատարած է պահանջելով բացայայտել Տինքի սպաննութեան իրական պատասխանատուները: Տինքի սպաննութիւնը կատարող Օկիւն Սամասթ մինչ կը մնայ բանտի ճաղերուն ետին, կը կարծուի որ սպաննութեան պատուէր տրուած է այլ կողմեր: Յիշեցնենք, որ Հրանդ Տինք սպաննուած էր «Ակօս»ի խմբագրատան առջեւ 19 Յունուար 2007-ին: Ան իր նահատակութեամբ նոր ճանապարհ ցոյց տուաւ հայ ժողովուրդի պահանջատիրութեան ճամբուն վրայ:
