30.6c
Երեվան
հնգ, հլս 02
Իսրայէլեան հարուածէն անմիջապէս ետք, Հալէպ քաղաքը երէկ ամբողջութեամբ յայտնուած էր մութի մէջ: Այս մասին տեղեկութիւնը կը հաղորդէ AFP լրատուական գործակալութիւնը:
Աղբիւրը նաեւ կը նշէ, որ Հալէպի օդակայանի, ինչպէս նաեւ Շէյխ Նաճճար ճարտարարուեստական շրջանին վրայ իսրայէլեան օդուժի կատարած հրթիռարձակումներէն ետք, քաղաքը ամբողջութեամբ յայտնուած էր մութի մէջ:
«Արեւելք» այս առումով կապ հաստատեց Հալէպի իր աղբիւրներուն հետ: Մեր աղբիւրը այս առումով յայտնեց, որ հոսանքազրկումէն ժամեր ետք, Հալէպի իրավիճակը դարձեալ վերականգնուած է եւ այս առաւօտ ամէն բան բնականոն հունի մէջ է:
Յիշեցնենք, որ հրթիռարձակումներու հետեւանքով զոհեր կամ վիրաւորներ չեն գրանցուած եւ վնասները բացառապէս նիւթական են:
