22.22c
Երեվան
չրք, հլս 15
ՀՅԴ-ը յայտարարութիւն տարածած է՝ նշելով, որ քաղաքական ներկայ իրավիճակի մէջ ճիշդ կը նկատէ դադրեցնել իշխանական դաշինքին իր մասնակցութիւնը:
ՀՅԴ հաղորդագրութիւնը ամբողջութեամբ կը ներկայացնենք ստորեւ.
«Ժողովրդային շարժման արդիւնքում Հայաստանում ստեղծուել է մի իրավիճակ, որ արդէն օրեր շարունակ լարուածութեան մէջ է պահում ողջ հասարակութեանը:
Բարեբախտաբար, մինչ այս պահը հնարաւոր է եղել խուսափել իրավիճակի հանգուցալուծման վատթարագոյն տարբերակներից: Անցնող օրերի ընթացքում ՀՅ Դաշնակցութիւնը հետեւողական ջանքեր է գործադրել համախոհութեան ձեւաւորման, երկխօսութեան միջոցով երկրի ու ժողովուրդի շահերից բխող ընդունելի եւ ողջամիտ լուծում գտնելու ուղղութեամբ:
Այսպէս սակայն երկար չի կարող շարունակուել: Կարող են առաջանալ լուրջ մարտահրաւէրներ: Համոզուած ենք, որ ստեղծուած իրավիճակը պէտք է հանգուցալուծուի բացառապէս սահմանադրականութեան եւ օրէնքների շրջանակներում:
Հաշուի առնելով առկայ իրավիճակը՝ յայտարարում ենք քաղաքական կոալիցիային (դաշնակցութեան) մեր մասնակցութեան դադարեցման մասին:
Առ այդ, Ազգային ժողովը պէտք է ընտրի ժողովուրդի վստահութիւնը վայելող վարչապետ, որի ձեւաւորած կառավարութեան մշակած՝ պետութեան ներքին եւ արտաքին քաղաքականութիւնը ներառող ծրագիրը պէտք է նպատակ հետապնդի՝
ա) լիցքաթափել ներքաղաքական լարուածութիւնը
բ) յաղթահարել քաղաքական ճգնաժամը
գ) յստակ առաջնահերթութիւններ նախանշելով երաշխաւորել կուտակուած խնդիրների լուծումը
դ) լիարժէք ժողովրդավարական պայմանների ապահովմամբ նախապատրաստել եւ անցկացնել արտահերթ խորհրդարանական ընտրություններ»:
