18.09c
Երեվան
շբթ, ապր 25
Ամերիկայի մէջ Հայաստանի Հանրապետութեան գլխաւոր հիւպատոսարանի նախաձեռնութեամբ արմատներով լիբանանցի, վերջին տարիներուն Միացեալ Նահանգներ հաստատուած երգիչ Ժոզէֆ Գրիգորեանին տրուած է պատուոյ գիր։ Այս մասին տեղեկութիւն ստացանք Միացեալ Նահանգներէն։
Կը նշուի նաեւ, որ Գրիգորեանին այդ գիրը յանձնած է ԱՄՆ-ի մօտ ՀՀ գլխաւոր հիւպատոս՝ Արմէն Պայպուրթեանը։
Էսթրատային երգերով հանդէս եկող Գրիգորեան, որ սիրուած անուն է, յաճախ հանդէս կու գայ նաեւ ազգային երգերով։
Իր կատարումներուն հանդէպ համակրանք ունեցող անձանաւորութիւններ յաճախ հարց տուած են Ժոզէֆին այն մասին, թէ ինչո՞ւ չի գոհանար անգլերէն կամ արաբերէն երգեր կատարելով ու ան ալ այդ առթիւ պատասխանած է. «Ինծի համար երգելը միայն կեանքի ասպարէզ չէ, երգելը հայերէն խօսքն ու զգացումը ժողովուրդին մէջ տարածել է. ես այդպէս մեծցած եմ, այդ ոգիով դաստիարակուած եմ ու ատոր համար ալ հայերէն երգեր կատարելը ինծի համար դարձած է առաքելութիւն...»:
