12.09c
Երեվան
երք, մյս 05
Լիբանանեան հարաւի ազատագրման տօնին ընդառաջ, զինուորներուն յատուկ ուղերձ մը յղելով, լիբանանանեան բանակի ընդհանուր հրամանատար Զօր. Ժան Ահուաժի ըսաւ, թէ բանակը փաստեց, որ ինք պաշտպանն է երկրին: Լիբանանեան բանակի հրամանատարը նաեւ ընդգծեց, որ բանակը յաջողութեամբ պսակեց իր վրայ դրուած պարտականութիւնները եւ վերահսկեց երկրի ընդհանուր անվտանգութիւնը ընթացող քաղաքապետական ընտրութիւններուն ընթացքին: Անոր կարծիքով, բանակն այսօր դարձած է Լիբանանի ապահովութեան գլխաւոր երաշխաւորը: Զօրավարը նաեւ դիտել տուաւ, որ բանակի ղեկավարութիւնը ամէն ինչ պիտի ընէ՝ ահաբեկիչ զինեալներու ձեռքէն ազատագրելու համար գերի ինկած լիբնանացի զինուորականնները: Լիբանանեան բանակի տասնեակ զինուորներ մինչեւ այս պահը գերեվարուած կը մնան Տահէշ ահաբեկչական խմբաւորման մօտ: Նշենք, որ այս տարի կը լրանայ իսրայէլեան զաւթիչ ուժերու Լիբանանի հարաւի շրջաններէն հեռանալու 16-րդ տարին:
