3.09c
Երեվան
հնգ, հնվ 02
Հայաստանի եւ Վրաստանի Պաշտպանութեան նախարարներ Վիգէն Սարգսեան եւ Լեւան Իզորիա Թիֆլիսի մէջ տեղի ունեցած պաշտօնական հանդիպման ընթացքին համաձայնագիր ստորագրած են համագործակցութեան մասին: Ստորագրած համաձայնագրին համաձայն` Հայաստան եւ Վրաստան կը համագործակցին ռազմավարական ծրագրաւորման, ռազմական կրթութեան, բժշկութեան ոլորտներուն մէջ:
Երկկողմ հանդիպման շրջանակին մէջ կողմերը շօշափած են նաեւ ՕԹԱՆ-ի եւ ՄԱԿ-ի խաղաղապահական առաքելութիւններուն հայ եւ վրացի զինուորներու մասնակցութիւնը: «Ուրախ եմ, որ մեր զինուորները կողք կողքի կը պայքարին ահաբեկչութեան դէմ, կը սատարեն աշխարհի մէջ ապահովութեան եւ կայունութեան պահպանման», -ըսած է Իզորիա` ընդգծելով, որ հայ-վրացական յարաբերութիւնները խոր արմատներ ունին: Վրաստանի Պաշտպանութեան նախարարը նաեւ հայ զինուորներուն համար առաջարկած է լեռնային պայմաններու մէջ եւ ձիւնի վրայ տեղաշարժի կատարելագործման յատուկ դասեր:
