1.09c
Երեվան
հնգ, փտր 06
Թուրքիոյ հետախուզական ծառայութիւնները յայտարարած են ենթադրեալ «իրանական լրտեսական ցանցի» բացայայտման մասին։ Ձերբակալուածներու շարքին նաեւ ատրպէյճանցիներ կան։
Ինչպէս հաղորդած են տեղական լրատուամիջոցները, Պոլսոյ օդակայանին մէջ իրականացուած գործողութեան ընթացքին ուժայինները գրաւած են տուեալներու շտեմարան, որ կը պարունակէ «Իսլամական պետութիւն» ահաբեկչական կազմակերպութեան շուրջ 10 հազար անդամներու անուններ։
Ահաբեկիչներու մասին կենսագրական տուեալներով շտեմարանի գոյութեան մասին յայտնի եղած է շարք մը յատուկ ծառայութիւններու ներկայութենէն`Կեդրոնական հետախուզական վարչութենէն մինչեւ բրիտանական ՄԻ–6 եւ իսրայէլեան «Մոսատ»։
Իրաւապահները «Իսլամական պետութեան» հետ կապուած լրտեսական կառոյցներու գաղտնալսման ընթացքին իմացած են յառաջիկային տուեալներու փոխանակման մասին։ Նշուած է, որ տուեալներու շտեմարան ունեցող ահաբեկչական կազմակերպութեան անդամները պայմանաւորուած են այն 9 միլիոն տոլարով վաճառել 5 տղամարդու` չկասկածելով իրանական հետախուզութեան հետ անոնց կապի մասին։ «Գնորդներու» շարքին նաեւ 2 ատրպէյճանցի եղած է`Սէյմուր Ռզաեւը, որ ծնած է Իրան, բայց Ատրպէյճանի քաղաքացի է, եւ Հիքմեթ Ալիեւը, որ Իրանի քաղաքացի է, կը ղեկավարէ ընկերութիւն մը, որ կը զբաղի Թուրքիոյ եւ թրքական երկիրներու միջեւ բեռնափոխադրումներով։
Նշենք, որ վերջին ամիսներուն Ատրպէյճանի մէջ պարբերաբար կը յայտարարեն հերթական «լրտեսական ցանցի» բացայայտման մասին, որոնք իբր կը կառավարուին Իրանի կողմէ։
