20.09c
Երեվան
հնգ, ապր 03
Թուրքիան 6 տարուան ընդմիջումէ ետք պիտի վերսկսի Եւրոմիութեան (ԵՄ) հետ բարձր մակարդակի տնտեսական երկխօսութիւնը։
Այս մասին գրած է ermenihaber.am-ը:
Ապրիլի 3-ին Պրիւքսելի մէջ պիտի կայանայ Թուրքիա-ԵՄ բարձր մակարդակի տնտեսական երկխօսութեան (HLED) հանդիպումը, որուն պիտի մասնակցին Թուրքիոյ արտաքին գործոց նախարար Հաքան Ֆիտանը, գանձապետարանի եւ ֆինանսներու նախարար Մեհմետ Շիմշեքը, Եւրոպական յանձնաժողովի գործադիր փոխնախագահ եւ առեւտուրի հարցերով ԵՄ յանձնակատար եւ Եւրոմիութեան ընդլայնման հարցերով յանձնակատար Մարթա Քոսը։ Հանդիպումներուն պիտի մասնակցին նաեւ եւրոպական ֆինանսական հաստատութիւններու ղեկավարներ։
Նշենք, որ 2024 թուականի դեկտեմբերին ԵՄ-ն որոշած էր վերսկսիլ գործընթացը։
Հանդիպումը բաղկացած պիտի ըլլայ երկու մասէ եւ ձեռնարկատիրական ոլորտի ներկայացուցիչները պիտի քննարկեն ներդրումներու եւ առեւտուրի հնարաւորութիւնները։ Նախարարներու մակարդակով պիտի քննարկուին մաքրօտնտեսական իրավիճակը, մրցունակութիւնը եւ կառուցուածքային բարեփոխումները, որմէ ետք ձեռնարկութիւններու ներկայացուցիչները պիտի քննարկեն ներդրումներու եւ առեւտուրի հնարաւորութիւնները։
Շիմշեքը ԵՄ-ի հետ գործընթացը վերսկելու վերաբերեալ նշած է. «Մենք պատրաստ ենք ԵՄ-ի հետ աւելի ամուր համագործակցութեան»։
Յիշեցնենք, որ Թուրքիա-ԵՄ երկխօսութեան այս մեխանիզմի առաջին հանդիպումը կայացած է 2016 թուականին, իսկ վերջին հանդիպումը՝ 2019 թուականին։
