-6.91c
Երեվան
երք, դկտ 30
Al Arabiya հեռուստաընկերութեան տուած հարցազրոյցին մէջ ան յայտարարած է, թէ Ռիատը կը ցանկայ, որ Իրանը օգնէ Մերձաւոր Արեւելքին շարժելու դէպի բարեկեցութիւն: Միեւնոյն ժամանակ, ան նշած է, որ խնդիր կայ «Իրանի բացասական պահուածքի» հետ կապուած՝ անոր միջուկային ծրագրին, հրթիռներու արձակման եւ «անօրինական զինուած խմբաւորումներ»ուն աջակցութեան: Անոր խօսքով՝ Սէուտական Արաբիան կ'աշխատի իր տարածաշրջանային եւ համաշխարհային գործընկերներուն հետ «այդ խնդիրներու լուծումները գտնելու համար»:
Գահաժառանգը այս մեկնաբանութիւնը ըրած է այն բանէն ետք, երբ լուրեր տարածուեցան, որ Սէուտական Արաբիոյ եւ Իրանի բարձրաստիճան պաշտօնեաները գաղտնի բանակցութիւններ կը վարեն Իրաքի մէջ՝ փորձելով վերականգնել յարաբերութիւնները: Սէուտական Արաբիոյ աղբիւրները հերքած են այդ լուրերը: Բայց Իրանի արտաքին գործոց նախարարութիւնը չէ հաստատած կամ հերքած անոնք՝ փոխարէնը նշելով, որ «միշտ կ'ողջունէ երկխօսութիւնը»:
Պըն Սըլմանը նաեւ նշած է, թէ Սէուտական Արաբիան չի ցանկար, որ «Իրանի հետ կապուած իրավիճակը բարդանայ»: «Ի վերջոյ, Իրանը հարեւան երկիր է, եւ մենք լաւ յարաբերութիւններու յոյս ունինք: «Մեր խնդիրը Իրանի բացասական պահուածքն է՝ սկսած անոր միջուկային ծրագրէն մինչեւ տարածաշրջանին մէջ ապօրինի աշխարհազօրայիններուն աջակցիլը կամ պալիսթիք հրթիռներ արձակելը»,- աւելցուցած է ան: «Մենք կ'աշխատինք մեր տարածաշրջանային եւ համաշխարհային գործընկերներուն հետ` այս մարտահրաւէրներուն լուծումներ գտնելու համար, եւ յոյսով ենք, որ անոնք կը յաղթահարենք` բոլորին օգուտ բերող լաւ յարաբերութիւններ ստեղծելու համար»:
