Ամերիկայի Միացեալ Նահանգներու նախագահական ընտրութիւններու երրորդ թեկնածու Ռոպըրթ Քէնէտի Կրտսերը յայտարարած է իր նախընտրական արշաւը կասեցնելու մասին։
«Ես կ'ուզեմ բոլորին ըսել, որ ես չեմ դադրեցներ իմ քարոզարշաւը, այլ միայն կը կասեցնեմ այն», - ըսած է ան իր աջակիցներուն ուղղած ուղերձին մէջ։
Քէնէտի Կրտսերը յայտարարած է նաեւ Միացեալ Նահանգներու նախագահական մրցավազքին Տանըլտ Թրամփին աջակցելու մասին։
«Ես իմ աջակցութիւնս կը յայտնեմ Տանըլտ Թրամփին»,- ըսած է ան։
Յիշեցնենք, որ Միացեալ Նահանգներու նախագահական ընտրութիւնները տեղի պիտի ունենան 5 նոյեմբեր, 2024-ին։