image
Հրատապ լուրեր:

Փաշինեան «Ատրպէյճանի կողմէ Հայաստանի վրայ յարձակումը շատ հաւանական է»

Փաշինեան «Ատրպէյճանի կողմէ Հայաստանի վրայ յարձակումը  շատ հաւանական է»

Հայաստանի վրայ Ատրպէյճանի յարձակումը շատ հաւանական է։ Այս մասին Փարիզի մէջ, France 24-ին տուած հարցազրոյցին նշած է ՀՀ վարչապետ Նիկոլ Փաշինեանը:

«Մենք խնդիր ենք ունենում խաղաղութեան պայմանագրի մէջ արտայայտել այն երեք սկզբունքները, որ յայտարարուած ու հրապարակուած են միջազգային հարթակներում ձեռքբերուած պայմանաւորուածութիւնների շրջանակում: Վերլուծելով այս խնդիրներն ու պաշտօնական Բաքուից հնչող յայտարարութիւնները՝ գալիս ենք եզրակացութեան, որ այո՛, յարձակումը Հայաստանի վրայ շատ հաւանական է», -ըսած է Փաշինեան:

Վարչապետը մանրամասնած է, թէ «Արեւմտեան Ատրպէյճան»-ի մասին Պաքուի պաշտօնական յայտարարութիւններուն մէջ նկատի կ՚առնուի, որ Հայաստանի տարածքի մեծ մասը ատրպէյճանական է: Բացի այդ, ըստ Փաշինեանի, Ատրպէյճանը գործնականօրէն առանց տարընթերցումներու չի ճանչնար Հայաստանի տարածքային ամբողջականութիւնն ու սահմաններու անխախտելիութիւնը՝ չնայած «դիւանագիտական մակարդակի վրայ Ատրպէյճանը կը հաւաստիացնէ, որ յաձակման ոչ մէկ մտադրութիւն ունի»:

 

ՀԱՊԿ-ի մասին

Հայաստանի մասնակցութիւնը Հաւաքական անվտանգութեան պայմանագրի կազմակերպութեան (ՀԱՊԿ) այս պահուն «սառեցուած» է։ Այս մասին France 24-ին ըսած է ՀՀ վարչապետ Նիկոլ Փաշինեանը։

«Մեր կարծիքով՝ հաւաքական անվտանգութեան պայմանագիրը Հայաստանի նկատմամբ կեանքի չի կոչուել, յատկապէս՝ 2021-2022 թուականներին։ Սա չէր կարող վրիպել մեր ուշադրութիւնից։ Մենք «սառեցրել» ենք մեր մասնակցութիւնն այս պայմանագրին։ Տեսնենք՝ ինչ կը լինի յետոյ»,- ըսած է Փաշինեանը։

Ան նաեւ աւելցուցած է, որ ՀԱՊԿ-ի մէջ «կը գերակայէ Մոսկուան»։

Պատասխանելով Հայաստանի մէջ ռուսական ռազմակայանի հնարաւոր փակման մասին հարցին՝ ՀՀ վարչապետն ընդգծած է, որ «այս պահին դա չի քննարկւում»։