18.4c
Երեվան
հնգ, հնս 18
Տարածաշրջանին մէջ Իսրայէլի յարձակողական գործողութիւնները վերածուած են խնդիրի ամբողջ աշխարհի համար։ Այս մասին «Türkiye» օրաթերթին տուած հարցազրոյցին յայտնած է Թուրքիոյ արտաքին գործոց նախարար Հաքան Ֆիտանը՝ Յունիս 16-17-ին Ռուսիա կատարած այցելութեան արդիւնքները ամփոփելով։
«Իսրայէլի յարձակողական դիրքորոշումը խնդիր դարձած է ամբողջ աշխարհի համար։ Սա միայն Թուրքիոյ խնդիրը չէ։ Իսրայէլը կը փափաքի աւերածութիւն սփռել տարածաշրջանին մէջ։ Ան կը ձգտի գրաւել որոշ երկիրներ եւ ահաբեկչական գործողութիւններ իրականացնել, իսկ այդ հետեւանքներ ունի համաշխարհային անվտանգութեան եւ տնտեսութեան ոլորտներուն համար։ Մենք կը տեսնենք, որ Իսրայէլ աւելի յաճախ կը բախի միջազգային հանրութեան արձագանգին։ Կը յուսանք, որ սա արդիւնք պիտի տայ, եւ մեր տարածաշրջանի բոլոր երկիրները պիտի ապրին խաղաղութեան, կայունութեան եւ բարգաւաճման մէջ»,– նշած է Ֆիտանը։
Անոր կարծիքով՝ Իրանի շուրջ հակամարտութեան կարգաւորումէն ետք, որ Կազայի հարցը մղուած էր երկրորդ տեղ, տարածաշրջանի երկիրները պիտի կարենան աւելի շատ կեդրոնանալ պաղեստինեան անկլաւին մէջ տիրող ճգնաժամի լուծման։
«Աշխատանքներ կը տարուին Կազայի վերաբերեալ ամերիկեան խաղաղութեան ծրագիրի երկրորդ փուլին անցնելու ուղղութեամբ, եւ ջանքեր կը գործադրուին շրջանակային փաստաթուղթի շուրջ համաձայնութեան հասնելու համար։ Մենք եւս կը մասնակցինք այդ գործընթացին»,– ըսած է թուրք նախարարը։
