1.09c
Երեվան
կրկ, դկտ 22
Միացեալ Նահանգներու նախագահ Ճօ Պայտըն եւ Հնդկաստանի վարչապետ Նարենտրա Մոտի 26 օգոստոսին կայացած հեռախօսազրոյցով հաւաստիացուցած են, որ կ'աջակցին Ռուսիոյ եւ Ուքրանիոյ միջեւ հակամարտութեան խաղաղ կարգաւորման։ Այդ մասին ըսուած է Սպիտակ տան մամլոյ ծառայութեան տարածած հաղորդագրութեան մէջ։
Պայտըն Մոտիի հետ քննարկած է Հնդկաստանի վարչապետի այցը Լեհաստան եւ Ուքրանիա, ինչպէս նաեւ սեպտեմբերին կայանալիք հանդիպումը ՄԱԿ-ի Ընդհանուր ժողովին։
Ըստ Սպիտակ տան՝ Միացեալ Նահանգներու ղեկավարը բարձր գնահատած է Մոտիի ուղեւորութիւնը, ինչպէս նաեւ «անոր խաղաղութեան ուղերձը եւ Ուքրանիոյ տրամադրուող շարունակական մարդասիրական օգնութիւնը, ներառեալ՝ ուժանիւթի բաժինով»։
«Ղեկավարները հաստատած են հակամարտութեան խաղաղ կարգաւորման իրենց անփոփոխ աջակցութիւնը՝ միջազգային իրաւունքին համապատասխան եւ ՄԱԿ-ի կանոնադրութեան հիման վրայ», - ըսուած է հաղորդագրութեան մէջ։
Իր հերթին Մոտի X հարթակին վրայ գրած է, որ Պայտընի հետ հեռախօսազրոյցի ընթացքին քննարկած է տարածաշրջանային եւ համաշխարհային տարբեր հարցեր, ինչպէս նաեւ իրավիճակն Ուքրանիոյ եւ Պանկլատէշի մէջ։
1992 թուականին, Քիեւի եւ Նիւ Տելհիի միջեւ դիւանագիտական յարաբերութիւններու հաստատումէն ի վեր Հնդկաստանի վարչապետն 23 օգոստոսին առաջին այցը կատարած էր Ուքրանիա, որմէ առաջ եղած էր Լեհաստան։ Ուքրանիոյ նախագահ Վլատիմիր Զելենսքիի հետ հանդիպման ժամանակ Մոտի հաւաստիացուցած է, որ Հնդկաստան պատրաստ է գործօն դեր խաղալ Ռուսիոյ եւ Ոքրանիոյ միջեւ խաղաղութեան հասնելու ցանկացած ջանքերուն մէջ:
