25.09c
Երեվան
կրկ, սպտ 13
Սէուտական Արաբիան անօդաչու թռչող սարքերու յարձակումէն ետք դադրեցուցած է Արեւելք-Արեւմուտք նաւթատարի գործունէութիւնը։ Այդ մասին կը տեղեկացնէ «Deutsche Welle»-ն։
Խողովակաշարի գործունէութեան դադրեցումը կը սպառնայ Պարսից ծոցէն նաւթի արտահանման կարեւորագոյն այլընտրանքային ուղիին եւ այդպիսով կ՚ազդէ համաշխարհային գիներուն վրայ։
Սէուտական Արաբիոյ իշխանութիւնները այս որոշումը որակած են որպէս նախազգուշական միջոց՝ Ռիատի եւ Մետինայի նահանգներուն ուղղուած յարձակումներէն ետք, որոնք զոհերու պատճառ դարձած են։
Սէուտական Արաբիան տասնամեակներէ ի վեր կը պահպանէ աշխարհի մէջ հում նաւթի խոշորագոյն արտահանողի կարգավիճակը։ Թագաւորութեան արտաքին գործոց նախարարութիւնը յայտնած է, որ նաւթամուղը յարձակման ենթարկուած է Իրաքի տարածքէն արձակուած անօդաչու թռչող սարքերու կողմէ։
Ներկայիս Ռիատը պատասխան ռազմական հարուածներ հասցնելու մտադրութիւն չունի՝ նկատի ունենալով Իրաքի վարչապետին համապատասխան խնդրանքը։
