-3.91c
Երեվան
չրք, դկտ 31
Արցախի Ազգային ժողովի նախագահ Արթուր Թովմասեան ուղերձ յղած է, որուն մէջ կ'ըսուի․
«Սիրելի հայրենակիցներ,
Արցախի Հանրապետութեանը վերաբերող սկզբունքային բոլոր հարցերը որոշւում են Արցախի Հանրապետութեան Անվտանգութեան խորհրդում:
Այնպէս չէ, որ ստեղծուած իրավիճակում պատասխանատուն միայն երկրի նախագահն է, ով միաժամանակ նաեւ Անվտանգութեան խորհրդի նախագահն է, կամ Անվտանգութեան խորհրդի քարտուղարը, պատասխանատու են Անվտանգութեան խորհրդի բոլոր անդամները:
Իրավիճակի ճշգրիտ վերլուծութեան հնարաւորութիւն ունենք բոլորս եւ եթէ Անվտանգութեան խորհրդում կան մարդիկ, ովքեր համաձայն չեն, առաջ չենք շարժւում: Ինչպէս նաեւ, եթէ Անվտանգութեան խորհրդում կան մարդիկ, ովքեր համաձայն չեն ԱԽ-ի կայացրած որոշումներին, կարող են դուրս գալ Անվտանգութեան խորհրդի կազմից: Բարեբախտաբար, այդպէս չէր մինչեւ գազատարի պայթեցումը եւ այդպէս չէ նաեւ հիմա:
Արցախը կանգնած էր լոկալ պատերազմական գործողութիւնների առջեւ, եւ մենք ոչ միայն ուժային, այլեւ իմաստուն դիւանագիտութեամբ պէտք է աշխատենք բոլորի հետ (ՀՀ գործընկերներ, ՌԴ խաղաղապահ ուժեր եւ այլ կառոյցնէր): Հեշտ է մեղքը բարդել մէկ անձի վրայ եւ նրան դարձնել քաւութեան նոխազ: Պատեհ առիթ չէ դրան անդրադառնալը:
Ընդհանրապէս խաղաղապահների առաքելութիւնը բարի կամքի դրսեւորումն է պատերազմող կողմերի միջեւ` զերծ պահելու նոր պատերազմների ծագումից: Բայց աշխարհը սրընթաց փոփոխութիւնների է ենթարկւում, ալեկոծւում է հին աշխարհակարգը, եւ մեր աչքի առջեւ նոր աշխարհակարգ է ձեւաւորւում:
Ու եթէ ԱՀ ԱԺ խմբակցութիւնները` անկախ քաղաքական հայեացքներից, եւ ԱԽ բոլոր անդամները ճիշդ համադրում չանեն, մնալու ենք հին աշխարհակարգի փլատակների տակ:
Արցախի Հանրապետութեան Անվտանգութեան խորհրդի վերջին նիստերը եւ Արցախի Հանրապետութեան Նախագահ, Անվտանգութեան խորհրդի նախագահի վերջին հանդիպումը Ազգային ժողովում յոյս է ներշնչում, որ մենք ճիշդ ուղու վրայ ենք:
Տայ Աստուած` այդպէս շարունակուի»:
