7.09c
Երեվան
երկ, փտր 23
Արցախի արեւելեան սահմանագօտիէն ներս հակառակորդին ձեռնարկած սադրանքներու հետեւանքով 25 Մարտին զոհուած 28-ամեայ Իշխան Օհանեանը Արցախի Ճարտար քաղաքէն էր. ան ընդամէնը 2 շաբթուայ զինծառայող էր: Այս մասին յայտնեց անոր ընկերը:
«Շատ բարի, լուսաւոր, պատրաստակամ, հումորով մարդ էր, երկու շաբաթ էր, ինչ անցել էր ծառայութեան ու շատ երկար էր սպասում որ ստացուեր պայմանագրային ծառայութեան անցնելը»,- պատմեց ան:
Իշխանի քրոջ ամուսինն ալ զոհուած էր 44-օրեայ պատերազմի ժամանակ:
Յիշեցնենք, որ 25 Մարտին, Արցախի արեւելեան սահմանագօտիին մէջ հակառակորդի ձեռնարկած սադրանքներու, մասնաւորապէս` Bayraktar TB-2 տեսակի հարուածային անօդաչու թռչող սարքերու կիրառման հետեւանքով մահացու վիրաւորում ստացած էին ՊԲ պայմանագրային զինծառայողներ՝ Դաւիթ Ռոպերթի Միրզոյեանը (1978-ի ծնունդ), Իշխան Սերժիկի Օհանեանը (1994-ի ծնունդ) եւ Արարատ Վագիֆի Թեւոսեանը (1990-ի ծնունդ)։
Արցախի մարդու իրաւունքներու պաշտպան՝ Գեղամ Ստեփանեան աւելի վաղ տեղեկացուցած էր, որ Ասկերան կայ 14 վիրաւոր, գրեթէ բոլորը վիրաւորուած են ԱԹՍ-ի հարուածներէն։
