image
Հրատապ լուրեր:

Միրզոյեանն եւ Ֆիտան քննարկած են Հայաստանի եւ Թուրքիոյ միջեւ յարաբերութիւններու կարգաւորման գործընթացը

Միրզոյեանն եւ Ֆիտան քննարկած են Հայաստանի եւ Թուրքիոյ միջեւ յարաբերութիւններու կարգաւորման գործընթացը

Անթալիոյ դիւանագիտական ֆորումի ծիրին մէջ, Հայաստանի արտաքին գործոց նախարար Արարատ Միրզոյեան 1 Մարտին հանդիպում ունեցած է Թուրքիոյ արտաքին գործոց նախարար Հաքան Ֆիտանի հետ: Հանդիպման մասնակցած են նաեւ երկու երկիրներուն միջեւ յարաբերութիւններու կարգաւորման հարցերու յատուկ ներկայացուցիչները:

Հայաստանի արտաքին գործոց նախարարութենէն յայտնած են, որ հանդիպման ընթացքին քննարկուեցան Հայաստանի եւ Թուրքիոյ միջեւ յարաբերութիւններու կարգաւորման գործընթացը եւ վերահաստատուեցաւ յարաբերութիւններու ամբողջական կարգաւորման հասնելու պատրաստակամութիւնը: Միտքեր փոխանակուած են այդ ուղղութեամբ կարելի յստակ քայլերու շուրջ:

Հանդիպումին ընթացքին անդրադարձ կատարուած է նաեւ միջազգային եւ տարածաշրջանային հարցերու:

Ֆիտան Անթալիոյ միջազգային դիւանագիտական համաժողովին ընթացքին խօսեցած է նաեւ Հայաստան-Ատրպէճան յարաբերութիւններու կարգաւորման գործընթացին մասին:

Ըստ անոր՝ Ատրպէյճան եւ Հայաստան շատ մօտ են յարաբերութիւններու կարգաւորման. անիկա տեղի կ՛ունենայ տարածաշրջանային նախաձեռնութիւններու շնորհիւ:

Ան ընդգծած է նաեւ, որ «Թուրքիա աշխոյժ եւ դրական ջանքեր կը գործադրէ բազմաթիւ հակամարտութիւններու եւ հարցերու լուծման համար»: