Ռուսիոյ Դաշնութեան Արտաքին Գործոց նախարարութեան տեղեկատւութեան եւ մամուլի բաժնի փոխտնօրէն Իւան Նեչաեւ ճեպազրոյցի ընթացքին նշած է, որ իրավիճակը Լեռնային Ղարաբաղի մէջ կը շարունակէ մնալ Մոսկուայի ուշադրութեան կեդրոնը։
Ինչպէս նշած է news.ru-ն, Ռուսիոյ Արտաքին Գործոց նախարարութիւնը, վերջին սրացումներու վերաբերեալ, արդէն իսկ կողմերուն զսպուածութեան եւ եռակողմ պայմանաւորուածութիւններու պահպանման կոչ ըրած է։ Բոլոր հարցերը, այդ շարքին՝ Լաչինի միջանցքի շուրջ, պէտք է լուծուին ատոնց հիման վրայ, ըսած է Նեչաեւ։
Ան նաեւ աւելցուցած է, որ Ռուսիան մշտական կապի մէջ է Ատրպէյճանի եւ Հայաստանի հետ։ Ան ընդգծած է, որ այդ միակ ճանապարհն է՝ գտնելու լուծում, որ կը գոհացնէ բոլոր կողմերը։