16.09c
Երեվան
երկ, ապր 27
Կը կասկածիմ, նման բան չի կրնար պատահել: Այս մասին, այսօր՝ 2 սեպտեմբերին, Ստեփանակերտի մէջ լրագրողներու հետ զրոյցի ժամանակ նշած է Արցախի Պաշտպանութեան բանակի նախկին հրամանատար, զօրավար-լեյտենանտ Լեւոն Մնացականեանը՝ անդրադառնալով հարցին, թէ ինչպէս կը գնահատէ այն փաստը, որ Շուշին յանձնելու մէջ կը մեղադրուի Արցախի Պաշտպանութեան բանակի նախկին հրամանատար Միքայէլ Արզումանեանը:
«Կարծում եմ, որ նախաքննութեան ընթացքում այդ հարցերը վերանալու են, պարզուելու է, որ ինքը ոչ մի առնչութիւն չունի»,-ըսած է ան:
Ան նաեւ նշած է, որ ինք որեւէ առնչութիւն չէ ունեցած Շուշիի գործողութեան հետ` խուսափելով ըսելէ, թէ ինչ պատասխանատւութիւն ունին Արցախի զօրավարները Շուշին յանձնելու եւ Արցախն այս վիճակին հասցնելու մէջ:
«Ես Սղնախի օպերացիայի (գործիղութեան) հետ առնչութիւն չունեմ, կազմակերպիչը եղել է դուք գիտէք ով, հարցերն ուղղէք իրեն»,-ըսած է ան:
Հարցին, թէ ով թոյլ տուաւ, որ յանձնուի Շուշին, Մնացականեան պատասխանած է. «Ես առնչութիւն չունեմ դրա հետ ընդհանրապէս: Ես թոշակի անցած մարդ եմ եղել»:
