21.09c
Երեվան
չրք, սպտ 24
Թեհրանի մէջ ՀՀ անվտանգութեան խորհուրդի քարտուղար Արմէն Գրիգորեան հանդիպած է Իրանի Զինուած ուժերու գլխաւոր շտապի պետ զօրավար-մայոր Սեյէտ Ապտոլրահիմ Մուսաւիի հետ: Այդ մասին յայտնած են անվտանգութեան խորհուրդէն։
Սեյէտ Ապտոլրահիմ Մուսաւին ընդգծած է, որ պատմականօրէն Հայաստան-Իրան յարաբերութիւնները բարի դրացիական ու եղբայրական են: Անվտանգութեան խորհուրդի քարտուղարն իր հերթին ընդգծած է ներկայ յարաբերութիւններուն բարձր մակարդակը:
Արմէն Գրիգորեան ներկայացուցած է 8 օգոստոսին ձեռք բերուած պայմանաւորուածութիւնները, որուն ծիրէն ներս Մուսաւին ողջունած է տարածաշրջանին մէջ հաստատուելիք խաղաղութիւնն ու կայունութիւնը:
Հանդիպման ընթացքին նաեւ անդրադարձ կատարուած է երկկողմանի համագործակցութեան:
