5.09c
Երեվան
կրկ, դկտ 22
Վտանգը կը կայանայ անոր մէջ, թէ ինչ թաքնուած է ռազմական գործողութիւններու ետին, այն, ինչ տեսանելի չէ` հնարաւոր պատճառները, թէ ինչու այս հակամարտութիւնը հրահրուեցաւ կամ չկանխուեցաւ:
Հռոմի Ֆրանչիսկոս պապը կրկնած է այն տեսակէտը, որ Ռուսիոյ սահմանին մօտ ՆԱԹՕ-ի գործողութիւնները կրնան յանգեցուցած ըլլալ ուքրանական ճգնաժամի սրման:
«Պէտք է հեռանանք սովորական Կարմիր Գլխարկիկի բնագրէն` Կարմիր Գլխարկիկը լաւ էր, իսկ գայլը` վատ, այստեղ չկան մեթաֆիզիքական բարի եւ չար: Համաշխարհային բան մը ի յայտ կու գայ, որու տարրերը շատ փոխկապակցուած են», ըսած է Ֆրանչիսկոս պապը:
Հռոմին պապի խօսքով` Ռուսիոյ Դաշնութեան յատուկ գործողութեան մեկնարկէն երկու ամիս առաջ ինք ընդունած է պետութեան մը «շատ իմաստուն» ղեկավարի, որ իր հետ կիսուած է իր մտահոգութեամբ, թէ ինչպէս «ԱՆԹՕ-ն յառաջ կը շարժի»:
«Ես իրեն հարցուցի` ինչո՞ւ, ան պատասխանեց. «Ռուսիոյ դարպասներուն մօտ կը հառաչեն: Եւ անոնք չեն հասկնար, որ ռուսերը կայսերական են եւ չեն թողեր, որ օտար ուժերը մօտենան իրենց»: Պապը նշած է, որ «պետութեան այս ղեկավարը կրցած է կարդալ տեղի ունեցողին նախանշանները»:
Հռոմի պապին խօսքով` անոնք, որ կը հետեւին Ուքրանիոյ մէջ տիրող իրավիճակին, կը տեսնեն «դաժանութիւն եւ վայրագութիւն», սակայն վտանգը կը կայանայ անոր մէջ, թէ ինչ թաքնուած է ռազմական գործողութիւններու ետին, այն, ինչ տեսանելի չէ` հնարաւոր պատճառները, թէ ինչու այս հակամարտութիւնը հրահրուեցաւ կամ չկանխուեցաւ:
«Եւ ես կը տեսնեմ զէնք փորձարկելու եւ վաճառելու շահագրգռուածութիւն: Այդ շատ տխուր է, բայց հիմնականին մէջ այդ անոր մասին է», ըսած է Ֆրանչիսկոս պապը:
«Այս պահին կրնան ինձ ըսել՝ «բայց դուն Փութինի կողմնակիցն ես»: Ո՛չ, ես անոր կողմը չեմ: Ես պարզապէս դէմ եմ, որ բարիի եւ չարի տարբերակման բարդութիւնը չափուի` առանց մտածելու շատ բարդ արմատներու եւ շահերու մասին», ըսած է պապը:
