HIMARS-ը թոյլ կու տայ Ուքրանիոյ գրոհելու թիրախներու մեծ մասը, ներառեալ՝ Խրիմի թիրախները. Փենթակոն

HIMARS-ը թոյլ կու տայ Ուքրանիոյ գրոհելու թիրախներու մեծ մասը, ներառեալ՝ Խրիմի թիրախները. Փենթակոն

Միացեալ Նահանգներու տրամադրած «HIMARS» համազարկային կրակի հակազդող համակարգերը եւ անոնց զինամթերքը թոյլ կու տան ուքրանացի զինուորականներուն խոցելու թիրախներու մեծ մասը, ներառեալ՝ Խրիմի մէջ եղած թիրախները:

Այս մասին յայտնած է Փենթակոնի ղեկավարի՝ Ռուսիոյ, Ուքրանիոյ եւ Եւրասիոյ հարցերով տեղակալի օգնական Լորա Քուփերը իր ճեպազրոյցի ժամանակ՝ յիշեցնելով, որ Խրիմը Ուքրանիոյ տարածքն է։

«Ըստ մեր գնահատականներու՝ HIMARS-ի վրայ առկայ GMLRS համակարգերով, որոնք մենք լրացուցիչ պիտի տրամադրենք ռազմական օգնութեան նոր փաթեթով, անոնք կրնան խոցել մարտադաշտի մէջ, ներառեալ՝ Խրիմի մէջ գտնուող թիրախներու մեծամասնութիւնը», -ըսած է ան:

Նշենք, որ երէկ ԱՄՆ նախագահ Ճօ Պայտընն իր ուքրանացի գործընկեր Վլատիմիր Զելենսքիի հետ հեռախօսազրոյցի ժամանակ տեղեկացուցած է Ուաշինկթընի կողմէ Քիեւին 625 միլիոն տոլարի ռազմական օգնութեան նոր փաթեթ յատկացնելու մասին։  Նոր փաթեթը կը ներառէ լրացուցիչ սպառազինութիւն եւ տեխնիկա, ներառեալ՝ HIMARS համազարկային կրակի ռեակտիվ համակարգեր, հրետանային համակարգեր եւ զինամթերք։

Նշուած է, որ այս օգնութեան տրամադրմամբ Պայտընի վարչակազմի օրօք Ուքրանիոյ տրամադրուած ռազմական աջակցութեան ընդհանուր ծաւալը պիտի հասնի 17.5 միլիառ տոլարի: