Հայաստանի մէջ Ֆրանսայի դեսպան Օլիվիէ Տըքոթինյին բարձր գնահատած է հանրապետութեան առաջընթացը մամուլի ազատութեան ցուցակին մէջ:
« «Լրագրողներ առանց սահմաններու» հրապարակած 2025 թուականի Մամուլի ազատութեան համաշխարհային ցուցակին մէջ 180 երկրի շարքին 34-րդ տեղը զբաղցուցած Հայաստանը կը շարունակէ առաջընթաց գրանցել: Այն կը հաստատուի որպէս տարածաշրջանի մէջ ազատութեան ովասիս: Աջակցելով Հայաստանին՝ մենք կ՚աջակցինք մեր արժէքները կիսող ժողովրդավարութեան»,- գրած է Ֆրանսայի դեսպանը X-ի իր էջին։