14.09c
Երեվան
շբթ, մյս 16
Հայաստանը 2023 թուականին արտահանած է 8 միլիառ 415 միլիոն 155.1 հազար տոլարի ապրանք, որ 2022-ի նկատմամբ աճած է 55,3 տոկոսով, ընդ որում Եւրասիական տնտեսական միութեան երկիրներ արտահանումն աճած է, իսկ Եւրոպական Միութեան երկիրներ՝ նուազած: Այս մասին կը վկայեն Վիճակագրական կոմիտէի հրապարակած ցուցանիշները:
ԵԱՏՄ երկիրներ արտահանումն աճած է 40,8 տոկոսով՝ կազմելով 3 միլիառ 609 միլիոն 284.8 հազար տոլար: Իսկ Եւրոպական Միութեան երկիրներ արտահանումը նուազած է 8,2 տոկոսով՝ կազմելով 709 միլիոն 514.7 հազար տոլար:
Աւանդաբար Հայաստանէն արտահանման ամենամեծ ծաւալն ուղղուած է Ռուսիոյ Դաշնութիւն՝ կազմելով 3 միլիառ 418 միլիոն 641.6 հազար տոլար: Սա 2022 թուականի նկատմամբ աւել է 38,8 տոկոսով: ԵԱՏՄ-ի շրջածիրէն ներս աճած է ոչ միայն Ռուսաստան, այլ նաեւ ԵԱՏՄ միւս երկրներ արտահանումը: Ղրղզստան արտահանման ծաւալը նախորդ տարի աճած է 4.8 անգամ՝ կազմելով 27 միլիոն 392.6 հազար տոլար, Հայաստանէն Ղազախստան արտահանումն աճած է 3.8 անգամ՝ կազմելով 71 միլիոն 320.8 հազար տոլար: Իսկ Պելառուսիա արտահանման ծաւալը կազմած է 91 միլիոն 929.9 հազար տոլար՝ 2022-ի նկատմամբ աճելով 19,5 տոկոսով:
Ինչ կը վերաբերի Եւրոպական Միութեան երկիրներուն, ապա, հակառակ Եւրոպական Միութեան երկիրներ արտահանման ընդհանուր ծաւալի նուազման, Եւրոմիութեան առանձին երկիրներ արտահանումն աճած է էական ծաւալով: Հայաստանէն արտահանման ծաւալներով չորրորդը Հոլանտան է (Ռուսիայէն, Միացեալ Էմիրութիւններէն եւ Չինաստանէն ետք)՝ 234 միլիոն 133.6 հազար տոլարով, 2022-ի նկատմամբ աճը 9 տոկոս է:
Եւրոպական Միութեան երկիրներէն 2023-ին Սլովաքիա արտահանումը, օրինակ, կազմած է 42 միլիոն 998.9 հազար տոլար՝ 2022-ի նկատմամբ աճելով 75,8 տոկոսով: Հայաստանէն Լիթվանիա արտահանումն աճած է 2.1 անգամ՝ կազմելով 22 միլիոն 667.7 հազար տոլար: Արտահանումն աճած է նաեւ դէպի Սպանիա, Կիպրոս, Հունգարիա, Չեխիա, Շուէտ, Փորթուկալ: 2023-ին Հայաստանէն Ֆրանսա արտահանումը նուազած է 3,2 տոկոսով՝ կազմելով 9 միլիոն 522.9 հազար տոլար: Թէեւ Հայաստանէն Գերմանիա արտահանումը ծաւալով փոքր չէ՝ 87 միլիոն 557.6 հազար տոլար, սակայն 2022-ի համեմատ նուազած է 17,4 տոկոսով: 2022-ի համեմատ նուազած են նաեւ Իտալիա, Լեհաստան արտահանման ծաւալները:
