0.09c
Երեվան
հնգ, դկտ 12
Հայաստանի մէջ դեկտեմբեր 9-ին մեկնարկած է Եւրոպայի խորհուրդի խորհրդարանական վեհաժողովի իրաւական հարցերու եւ մարդու իրաւունքներու յանձնաժողովի նիստը։ Ինչպէս կը տեղեկանանք ՀՀ Ազգային ժողովի տարածած հաղորդագրութենէն, նիստի շրջածիրէն ներս Հայաստան ժամանած է նաեւ Եւրոպայի խորհուրդի խորհրդարանական վեհաժողովի (ԵԽԽՎ) ընդհանուր քարտուղար Տեսփինա Խացիվասիլիու-Ծովիլիսը:
Նախքան նիստի մեկնարկը՝ ԵԽԽՎ ընդհանուր քարտուղարը եւ նիստը նախագահող՝ Իրաւական հարցերու յանձնաժողովի նախագահի տեղակալ Փապլօ Իսպան ընդունած է ՀՀ Ազգային Ժողովի նախագահը՝ քննարկելով ՀՀ Ազգային Ժողովէն ներս կայանալիք նիստի կազմակերպչական հարցերը։
Նիստի մասնակիցները նախ հեռավար կարգով ողջունած է ԵԽԽՎ նախագահ Թեոտորոս Ռուսոփուլոսը, որմէ ետք բացման խօսքով հանդէս եկած է նաեւ ՀՀ Ազգային Ժողովի նախագահ Ալեն Սիմոնեանը:
