15.09c
Երեվան
չրք, սպտ 24
ԱԺ «Հայաստան» խմբակցութեան պատգամաւոր Արեգնազ Մանուկեանը վար դրած է մանթատը։ Այս մասին ան յայտնած է դիմատետրեան իր էջին։
Մանուկեանը որոշած է անդամակցիլ Անդրանիկ Թեւանեանի գլխաւորած «Մայր Հայաստան»ին, որ կուսակցութիւն դառնալու յայտ ներկայացուցած է:
«Ամբողջութեամբ կիսում եմ «Մայր Հայաստան»ի գաղափարները, այդ կառոյցում ունեմ բազմաթիւ ընկերներ եւ բնական է, որ պէտք է անդամակցեմ «Մայր Հայաստան» կուսակցութեանը։ Մանդատից հրաժարուելն այս պարագայում լիովին տեղաւորւում է մարդկային ու քաղաքական էթիկայի կանոնների եւ տրամաբանութեան մէջ:
Համատեղ անցած ճանապարհի համար շնորհակալութիւն եմ յայտնում ՀՀ 2-րդ նախագահ, «Հայաստան» դաշինքի առաջնորդ Ռոբերտ Քոչարեանին, դաշնակցական իմ ընկերներին, դաշինքի անդամ միւս պատգամաւորներին, բոլոր նրանց, ովքեր այս տարիների ընթացքում եղել են օրուայ ապազգային իշխանութեան դէմ մեր պայքարի առաջնագծում:
Շնորհակալ եմ նաեւ այն քաղաքացիներից, ովքեր մեզ հետ հաւասար կամ նոյնիսկ աւելի մեծ ջանքերով կռիւ են տուել սրանց դէմ տարբեր հարթակներում: Համոզուած եմ, որ իրենց արածն իր արդիւնքները տալու է:
Յանուն մեր երկրում ամբողջական իշխանափոխութեան եւ ազգային իշխանութեան ձեւաւորման մեր պայքարը շարունակուելու է, պարզապէս ամէն մէկն իր պատկերացումների ու ձեւաչափերի շրջանակներում այն կարող է իրականացնել։
Բոլոր իրական ընդդիմադիր ուժերին մաղթում եմ արդիւնաւէտ աշխատանք ու յաղթանակ»,- գրած է Մանուկեանը:
