22.09c
Երեվան
շբթ, մյս 09
Թուրքիոյ նախագահ՝ Ռէճէպ Թայէպ Էրտողան յայտարարած է, որ լաւ լուրեր պիտի յայտարարէ Հիւսիսային Կիպրոս կատարելիք իր այցի ժամանակ, որ նախատեսուած է երկուշաբթի՝ 19 Յուլիսին, հաղորդած է Anadolu գործակալութիւնը:
«Ես կ'ուզեմ այդ մասին յայտարարել Հիւսիսային Կիպրոսի Թրքական Հանրապետութեան խորհրդարանէն ներս: Ատիկա դրական քայլ կ'ըլլայ, որու նախնական նախապատրաստական աշխատանքները աւարտած են»,- լրագրողներու հետ զրոյցին ըսած է Թուրքիոյ նախագահը:
Ըստ Էրտողանի՝ յայտարարութիւնը, որ ան կը նախատեսէ հնչեցնել, «խաղաղութեան ուղերձ» պիտի դառնայ ինչպէս կղզիի բնակիչներուն, այնպէս ալ ողջ միջազգային հանրութեան համար:
Էրտողան յայտնած էր, որ Կիպրոս կատարելիք այցի ընթացքին, որ պիտի շարունակուի մինչեւ երեքշաբթի, մեծ պատուիրակութիւն պիտի ուղեկցի իրեն:
