-3.91c
Երեվան
հնգ, նմբ 07
Ամերիկաբնակ երգիչ, Հայաստանի վաստակավոր արտիստ Հարութ Փամբուկչյանը՝ Ձախ Հարութը, այլեւս չի թաքցնում ընկերուհու հետ լուսանկարները: Օրերս նրանք լուսանկար են հրապարակել, որը մակագրված է «Լավագույն ճամբորդությունը»:
Օգտատերերը նկատել են, որ երգչի ընկերուհին ամերիկահայերին հայտնի Artn TV station-ի հաղորդավարուհի Ռուբինան է, որը վարում է «Ռուբինա շոու»-ն:
Վերջերս նա հաճախ է ուղեկցում Հարութ Փամբուկչյանին, նկարահանումներ կատարում երգչի ուղեւորությունների մասին:
«Ռուբինա շոու»-ն հաղորդում էր պատրաստել նաեւ Հարութ Փամբուկչյանի՝ այս տարվա մայիսին Լիբանան կատարած բարեգործական այցի եւ համերգի մասին:
Նշենք, որ Հարութ Փամբուկչյանի կինը՝ Ռուզաննա Թեւոսյանը, մահացել է ինը տարի առաջ, ինչից հետո երգիչը հաճախ էր խոսում սիրելի կնոջ եւ իր միայնության մասին: Հարութ Փամբուկչյանի երկրպագուները ուրախացել են, որ վերջապես նրա կողքին կին կա:
Հարութ Փամբուկչյանը մեկ որդի ունի: Երգիչը շարունակում է իր բեմական գործունեությունը, մասնակցում բազմաթիվ հայկական նախագծերի:
