6.09c
Երեվան
ուրբ, մյս 08
Արցախցի երիտասարդները 31 դեկտեմբերին Երեւանի քաղաքապետարանէն լուռ մոմավառութեամբ պիտի ուղղուին դէպի Եռաբլուր` այնտեղ դիմաւորելու 2023 թուականը:
«Սիրելի՛ հայրենակիցներ, մենք` Արցախի երիտասարդներս, Ատրպէյճանի կողմից Բերձորի միջանցքը շրջափակելու պատճառով չենք կարողանում վերադառնալ Արցախ:
Հաշուի առնելով այս կարեւոր փաստը՝ մենք 2023 թուականը դիմաւորելու ենք Եռաբլուրում:
Քանի որ չենք կարողանում Նոր տարուայ մուտքը նշել մեր ընտանիքների հետ, մենք այն դիմաւորելու ենք ամենաարժանիների կողքին:
Սա առաւելագոյնն է, որ կարող ենք եւ պէտք է անենք:
Դեկտեմբերի 31-ին, ժամը 20:00-ին Երեւանի քաղաքապետարանից լուռ մոմավառութեամբ շարժուելու ենք դէպի Եռաբլուր:
Սա եւս մէկ առիթ է համախմբուելու, Արցախի կողքին կանգնելու համար:
Միացէ՛ք` լռութեամբ դիմաւորենք Ամանորը հայրենիքի համար ամենաթանկարժէքը զոհած մարդկանց կողքին»,- ըսուած է յայտարարութեան մէջ:
