• 318
• 01/12/2015

Էմանուել Ճգնավորյանն անցել է Սիբելիուսի անվան մրցույթի եզրափակիչ փուլ

Դասական երաժշտության  առաջատար լուրերի The Violin Channel (VC) կայքէջից տեղեկանում ենք, որ Հելսինկիում հայտարարվել են 2015 թ.-ի  Յան Սիբելիուսի անվան ջութակահարների միջազգային մրցույթի եզրափակիչ փուլ անցած   վեց հոգու   անունները, որոնց մեջ է նաև հայ տաղանդավոր ջութակահար Էմանուել Ճգնավորյանը:

Միջազգային հեղինակավոր մրցույթի եզրափակիչ փուլը  տեղի է ունենալու դեկտեմբեր 1-ին եւ 3-ին, առաջին մրցանակակիրը, ինչպես տեղեկացնում է կայքը,  ստանալու է 28,000 $ և մի շարք  կարեւոր միջազգային  համերգների մասնակցության հնարավորություն, որոնցից մեկն էլ ելույթն  ու ձայնագրությունն է Ֆինլանդիայի ռադիոյի սիմֆոնիկ  նվագախմբի հետ:   

Նշենք նաև,  որ Յան Սիբելիուսի անվան ջութակահարների միջազգային մրցույթի նախորդ տարիների   9 առաջին մրցանակակիրների մեջ է եղել տաղանդավոր հայ ջութակահար Սերգեյ Խաչատրյանը:

Violin Channel-ը, որպես մրցույթի  պաշտոնական գործընկեր,  այս տարի ուղիղ եթերով Հելսինկիի  երաժշտական կենտրոնից  հեռարձակելու է   Սիբելիուսի անվան ջութակահարների միջազգային մրցույթը:

Էմանուել Ճգնավորյանը ծնվել է 1995 թվականին` Վիեննայում, դիրիժոր Լորիս Ճգնավորյանի որդին է: 

Միացիր մեզ Տելեգրամում

Սեղմել այստեղ

Միացիր մեզ Յութուբում

Սեղմել այստեղ

Միացիր մեզ Տելեգրամում

Միացիր մեզ Յութուբում

Կիսվել