4.09c
Երեվան
չրք, փտր 25
Ամերիկահայ մտաւորական Դոկտ. Յակոբ Այնթապլեան կը գրէ ՝
Անհարկի ժամավաճառութիւն եւ անտրամաբանական դժուարութիւններ ստեղծուած Հայաստանի դրամատնային համակարգի մէջ ։
Հայաստան եթէ մեծ գումար փոխանցած ես ԱՄՆ -էն , այդ գումարը եթէ կ՝ ուզես փոխանցել ուրիշ անձի պարտաւոր ես բացատրութիւն տալ դրամատան ,թէ ի ՞նչ նպատակի պիտի ծառայէ : Այսինքն, քու քրտինքով շահած գումարդ երբ Հայաստան բերես այդ Հայաստանի դրամատունը կը նկատէ “ կասկածելի ծագում ունեցող գումար “: Երբ պէտք եղած ապացոյցները ստուգուին ու հաստատուին, տակաւին պսրտաւոր ես ապացոյցներ ցորց տալ թէ ի ՞ նչ նպատակի պիտի ծառսյեցնես այդ գումարը ։
Այս պահանջները ոչ թէ պետութեան կողմէ է այլ դրամատունի կողմէ :
Բացի ասկէ , երբ ԱՄՆ-էն մեծ գումար փոխանցես քու Հայաստանի հաշւոյդ որուն գումարի ծագումի համար հաստատագիր կը պահանջեն ,տեղական մէկ դրամատունէն միւսը եթէ մեծ գումար փոխանցես , նոյն պահանջները ծայրէն կը սկսին ։
Այսինքն Հայաստան երբ մեծ գումար փոխանցես հոգիդ կ՝ ելլէ մինչեւ որ քու դրամդ կարենաս ձեռք բերել կամ ուրիշի մը փոխանձնել որպէս զի բարեգործական նպատակիդ ծառայեցնեն ։Աւելին այդ բարեգործութեան ստացականը կ’ուզէ տեսնել դրամատան սպասարկողը :
Դպրոցի համար 15 համակարգիչներ ,սեղաններ եւ խոշոր հեռատեսիլ գնելու գումարը ստանալու համար 2 ժամ դրամատուն ժամանակ վատնեցինք եւ ջղայնացած դուրս ելանք ։
Հայաստան անմիտ եւ անտրամաբանական օրէնքներու ամէն քայլի կը հանդիպիս որ քեզ կը հիասթափեցնէ եւ նպատակիդ ծառայելու արգելք կը հանդիսանայ ։ Պետութիւնը չունի ողջամիտ եւ հեռատես յանձնախումբեր որոնք անիմաստ եւ ժամավաճառ այս ներքին կարգաւորումները վերահսկեն եւ վերացնեն ։
Միջին հաշուով դրամական փոխանցման եւ այլ գործարքի համար հաճախորդը 1 ժամ կարգի պիտի սպասէ : Միջին հաշուով 8 սպասարկողներ կան ամէն մի դրամատան ճիւղի մէջ :Ameriabank-ը 15 ճիւղ ունի իսկ Evoca bank-ը 10 ճիւղ ։Ամէն մի ճիւղի մէջ մէկ օրուան մէջ Evoca bank-ի մէջ հաճախորդները աննպատակ 64 ժամ իսկ 10 ճիւղերու մէջ 640 ժամ կը վատնեն :Հաշուի առնելով այս անձերու ժամական եկամուտը 5-10 ԱՄՆ դոլար.հաշուարկենք իրենց կորսնցուցած օրական գումարը ։ Այսինքն Evoca bank-ը աննպատակ 3200-6400 ԱՄՆ դոլար վնաս կը պատճառէ իր հաճախորդներուն :
Ameria bank-ը կը պատճառէ 6400-12200 ԱՄՆ օրական դոլար իրհաճախորդներուն ։
Ինչո ՞ ւ Դրամատան հաճախորդը այս անիմաստ եւ չարդարացուած վնասի պիտի ենթարկուի դրամատան անմիտ պաշտօնեայի ապուշ կարգադրութեան պատճառով ։
Ինչո ՞ ւ պետութիւնը չի պաշտպաներ քաղաքացիի արդար իրաւունքը եւ չի սրբագրել տալ դրամատան անիմաստ եւ Ազգավնաս ներքին բացթողումներն ու չարաշահումները ։
Յուսամ պատասխանատու անձիք անդրադառնան որ դրամատունը ծառայութիւն է երկրին եւ ժողովուրդին որուն գործունէութիւնը պէտք է համապատասխանէ միջազգային չափանիշներուն , այլապէս պետութիւնը պէտք է սահմանափակէ իրենց գործունէութիւնը Հայաստանի մէջ ։
Ժողովուրդին իրաւունքները խախտողներն ու
չարաշահողները պէտք է պատժուին :
